Enter your text here... Clanci(!) :: Novi List Datum objave: 12.2.2004 Rubrika: Beseda Biž æa, živino, naše meso pust... Grobnièki dondolaši Ala judi maèkare, maškare, to su nan ti veseli, da ne reèen i bedasti dani. Kad smo si pomalo æapani, napiturani, namaškarani i na se sorte naèinèirikani, a išenpijani, tu fanj pomoru maligani. Ti dani se èovik otpusti od sakakove brige, pa pomalo pozabi na delo, kuæu i se intrige. I ne pomažu si sveti, Zaponci, pa ni kaštige. Ta put se libera sih nevoj èa ga dave, naštima se i hiti se priko glave. Poène veseji, kramanji, nimotarije, maškare, kanat, tanci, se se to krajen vrti, ijujuèe, pokantuje, potancuje, po lipoj staroj užanci. I se ki to voli, da se riva, va ton uživa, da se malo pipa, drabja i stišæe, jedno triba imet na umu, da saki va ton mutnon i guston komadiæ raja išæe. To ti se tuli, zija, kukurièe. Ovo mlaje kako bedasto skaèe. Jedni šemeæu, drugi veæ padaju, ki god se bome pa i potaèe. A sada èujmo još jednu, istina je gola, èa bimo mi brez našega krasnog spola. Pogjedajmo jih: kontese, barunice, vile, Ciganke, coprnice, jedne kod kolci tanke i vele, druge miæe, cicate, guzate, kod baève debele. S krabujasnicami dabome, ah èa vragulij se speèe, æuæu, æuæu, potiho šapuæu, kuliko se slatkih besed reèe. Najveæ nose svilne namirliæane toalete, srebrne èizmice z èrjenimi fijoki na vele pete. Na se sorte naricane, kako šimije nacifrane. Veæ po vražju naviguju i na se strane namiguju. Pomišano j to se krajen, grdi, lipi, driti, gobasti, sake sorte pajaci, i sakuda nas je-se j naše, kramamo, tulimo, zijamo, zvonimo, po Korzu, rivi i placi. Ma od sih tih nimotarij kad poludi se krajen, muško, žensko, mladi i stari, najsrdaènije i najteplije pozdravimo ti naši dondolaši. Aš oni su od sega toga najprvi èa su došli od vele putribe još va one stare vrimena se ovo veselji i nimotarije potekli su od njihova simena. Pokla su došla zvona, zgubil se j naziv stari, tako da dondolaši, prozvani su zvonèari. A sad pogjedajte gospodu muške, te masne, èrjene, nadute njuške: princi, kraji i bani, biškupi, fratri, plovani, generali, kapetani, skupa baruni i Cigani, sopu va sopele, tule va rogi, bubnjaju va bubnji, hitaju rokete, sake sorte baluni, pije se veselo, jedni z vrèa, oni tamo z vrèine, a drugi opet z bocunih. Dokli jedni veæ komaæ kramaju, drugi se još drže, tancaju i kantaju. Se ti se to skupa vrti i miša, oni od zdola, i klasa viša. Cilindri od kartuna, carske krune od latuna, trdi koleti, manžete, drivene sabje, zlatne epolete, sake sorte monduri, mornari, žandari i panduri. Jedni kod šæikadenti, tanki i suhi, drugi puni sala, debeli trbuhi. Ovi imaju rogi i rep, oni pa opet vele brade, se j to kako triba, za ekstra parade. Se ti j to veselo va dimu od poèetka do kraja, jedni pijani kokodaèu, oni pametniji pobiraju špeh i jaja, a ki more reæ da to ne vaja. Još dokli su naši stari èobani bili, tisuæu let je pasalo, kako se j ovud telilo, zvonilo i bubnjalo. Kramajuæ, zvoneæ, tuleæ, tirali vuki i medvidi zijajuæ, ovca j nan život, naše meso, pust. Tako j od te besede ostal spomen ki se i danas štima, Mesopust. Tako su oni potirali su tu živinu, da bi ovce, to vridno blago, imele ono èa njin rabi, mir i tišinu. A zaè? Zna se, da blago mirno pase. Ali ti naši stari dondolaši znali su puno put potirat i ono zlo ko j zapritilo va to starije vrime: Mleèani, Tatari i Turki…i tako su oèuvali našu slobodu i pošteno hrvatsko ime. I sada, kad su dani divertimenta, ne pozabite one besede naših starih: Biž æa, živino, naše meso, pust! Pa lipo va koraju pojijmo, popijmo, pa zasopimo, zakantajmo, ma i zatancajmo i èa lipje i veselije proštimajmo ta naš dragi i veseli Mesopust. Ivan BRDAR STARTSEITE::ÜBER UNS::GALLERIE::BERICHTE::CHAT::FORUM::KONTAKT Login Mulingal, multilingual catalogue & presentation system for ordinary people